قال الشيخ عويضة عثمان أمين الفتوى بدار الإفتاء المصرية، إن الإسراف في الطعام يُعد من الأمور المحرمة في الإسلام، مؤكدًا أهمية الاعتدال في الأكل والشرب.

الأكل بعد حد الشبع حرام

وأوضح أمين الفتوى بدار الإفتاء المصرية، خلال حلقة برنامج «فتاوى الناس»، المذاع على فضائية «الناس»، اليوم الثلاثاء: «يعني أنا المفروض أكل وأشرب إلى أن أصل إلى حد الشبع، اللي هو يعني أبقى تحتيه كمان بشوية، مجاوزة الحد دي سبب الأمراض بتاعتنا، عشان كده بنقول أنت كمان تضر نفسك».

وتابع: «اللي يسرف في الطعام نقول له حرام كلت فوق حد الشبع؟ أنت اللي بتعمله ده شيء محرم، الإسراف حرام، وكيف لا يكون حراما وربنا يقول إنه لا يُحب المسرفين؟ ده معنى إن تكلم عن الزينة والأكل والشرب، أو اللبس والأكل والشرب، قال إيه؟ ولا تسرفوا إنه لا يحب المسرفين الله ما بيحبش المسرفين».

متى يحس الإنسان بلذة الطعام؟

واستكمل: «الإنسان متى يحس بلذة الطعام؟ عندما يكون جائعا، طب هو شبع، تأكد ما تدخله المعدة بعد الشبع هذا يضر ولا ينفع؟ والطب بيقول كده، وكل أطباء التغذية يقولون هذا، إنك تتجاوز الحد تدي المعدة فوق طاقتها».